Bobby McFerrin improvisation with Richard Bona

Mikið var gott að finna stund til að hlýða á þessa snillinga, njótið vel. Góður spuni er gulli betri.

Athugasemdir

[Guðrún Emilía Guðnadóttir, 28.12.2007 kl. 11:08]

Takk fyrir hugleikið lag Eva og skemtilegar kommentaviðræður.
                     Hafðu það gott.

                             Kveðja Milla. 

[Eva Benjamínsdóttir, 28.12.2007 kl. 17:20]

Ekkert að þakka Milla frænka, bara gaman hjá okkur stelpunum.

Oft finnst mér myndbönd segja meira en orð. Tilvalið fyrir mig meðan ritstíflan er ennþá í gangi.

Hafðu það líka yndislegt og gott og ég mun fylgjast með kveðskapnum og fl.

kveðja eva

[Guðrún Emilía Guðnadóttir, 28.12.2007 kl. 19:37]

Já við erum skildar í sjöunda ættlið svo segir Íslendingabók.
Guðmundur bóndi Sigurðsson bjó á Hvallátrum, en fæddist á Neðra-Vaðli
á Barðaströnd. Hann var kvæntur langömmu Helgu Beatu Árnadóttur,
faðir hennar var Árni Thoroddsen hann var kvæntur Sigríði Snæbjörnsdóttur
frá Dufansdal. Afi var Sigurður Jón Guðmundsson í Belgjagerðinni og pabbi minn var Guðni Jónsson Heildsali og var ætíð kallaður Guðni belgur.
Formæður okkar sem talið er frá hétu,
þín: Vilborg Einarsdóttir.
mín: Bergljót Einarsdóttir.
Þær voru systur og foreldrar þeirra hétu Einar og Kristín.
                           Kveðja frænka þín Milla.

[Eva Benjamínsdóttir, 28.12.2007 kl. 20:21]

Blessaðar séu þær góðu systur Vilborg og Bergljót. Takk fyrir þessar upplýsingar frænka. Hvað eru þrjú til fjögur hundruð ár á milli bloggvina, þegar sannast hefur að við höfum étið sama trosið og þótt gott í fleiri hundruð ár.  

Ég verð þó að viðurkenna, að ég veit ekki til þess að ég þekki nokkurn af þínu fólki, en efast ekki um að það sé gott og skrautlegt fólk.

 Eitt get ég sagt þér, það var mikill kveðskapur í minni ætt og handverksfólk með afbrigðum í báðar ættir,  þó ég sé undantekning. kær kveðja eva frænka

[Guðrún Emilía Guðnadóttir, 28.12.2007 kl. 21:48]

Það skiptir ekki máli með hundruð ár. Fólkið mitt er bæði gott, skrautlegt
og alls ekki fullkomið frekar en aðrir, kveðskapur var ekki mikill í mínu fólki,
en handavinnukonur voru þær miklar móðir mín,  frænkur og ömmur,
mikið spilað aðallega brids og mikið talað um pólitík og ef maður vogaði sér að andmæla afa gamla, þá sagði hann:,,  Hvað er þetta, ert þú
Framsóknarkommi Þórkatla litla. (hann kallaði okkur konurnar oft Þórkötlu).
Og svona var nú það.

[Eva Benjamínsdóttir, 28.12.2007 kl. 23:27]

Jamm, aldrei var spiluð brids á mínu heimili en vist var spiluð og pabbi tefldi mikið við stórmeistara sem aðra. Móðir mín var snillingur í höndunum, hún hannaði og saumaði á alla fjölskylduna. Hún ræktaði stóran garð, með jarðaberjum og salatkáli fyrir utan það hefðbundna, kartöflur, gulrætur og rófur og var frábær kokkur. Pabbi sigldi í seinustu Heimstyrjöld með fiskinn til Englands og víðar. Hann var lengi fisksali á Langholtsvegi 89 og gat þar notið sín í kveðskapnum. Föður afi minn Jón Bjarni Guðmundsson, ku hafa byggt Bíldudal, meira eða minna, skútur og fl. fyrir Pétur Thorsteinsson og tálgaði svo taflmenn fram í andlátið. Hann var þúsundþjalasmiður og gerði líka við allt, klukkur og síðar rafmagnstæki. 

Ég þurfti að fara í æskulýðsfylkinguna til að fá einhverja vitneskju um pólitík á mínum uppreisnarárum, þar var engin sussaður niður og þar var líka skemmtilegur félagsskapur. ...Þórkatla mín