Fann mig í páskagöngunni á grindavík.is

 

 

 

 

 

 

Hér má sjá að ég rekst ekkert sérstaklega vel í hópi. Það situr til dæmis engin nema ég, meðan fararstjórinn heldur tölu um umhverfið. Þarna má sjá okkur systurnar og ennþá var klukkutími eftir af þessari þrautargöngu.

Jæja elskurnar,

þið sem nennið að rísa úr rekkju í fyrramálið eruð velkomin að slást í för.

Ég má ekki láta deigan síga og verð mætt og farin af stað kl. 11:00 í fyrramálið 5. apríl. Ferðinni er heitið til norðurs í 'rannsóknarleiðangur', frá LITLU KAFFISTOFUNNI, í klukkutíma eða svo. 

Ps. Ég er stundvís!

Sjáumst!

Komum út að ganga!

 

Athugasemdir

[Jenný Anna Baldursdóttir, 3.4.2008 kl. 00:50]

Arg nú er ég í kasti.  Þetta gæti verið ég.  Það er eitthvað svo krúttleg óþekkt yfir þessari konu þarn.  Dúlla.

[Eva Benjamínsdóttir, 3.4.2008 kl. 01:04]

Jenný, eigum við þá ekki að skella okkur í eina létta göngu og vita hver situr lengst. Velkomin eitthvað ef þú vilt brjóta ísinn, hva ég er að því, ekkert annað, því ég hef ekki náð unaði slefunnar úr munnvikinu á koddann eftir göngu, hér er eftir miklu að slægast. Komdu með og safnaðu liði, finnum flöt á málinu

[Ía Jóhannsdóttir, 3.4.2008 kl. 06:12]

hehehhe gott að tilla sér á þúfu og hvíla lúin bein

[Eva Benjamínsdóttir, 3.4.2008 kl. 11:06]

Ía mín, ég get ekki lofað neinum þúfum í þessum heppening en þúfur eru mikils metnar hjá mér enda mjúkar undir þreyttan rass og það virtist nóg af þeim á Reykjanesinu og út um allt Ísland....Þúfuganga er fín æfing. Ég kann nokkrar góðar teygjuæfingar sem ég verð að gera einsog Þorbergur, bara verð.

Rosalega hefur þú vaknað snemma í morgun Ía mín OMG 06:12 það hlýtur að vera komið vor hjá þér.

[Jenný Anna Baldursdóttir, 3.4.2008 kl. 11:42]

Það er aldrei að vita Eva mín nema að ég taki í kragann á sjálfri mér og fari með þér í göngu.  Í sumar sko.  Það er svo helvíti kallt núna.

Knús

[Eva Benjamínsdóttir, 3.4.2008 kl. 12:30]

Gott að heyra, veistu að það er nýtt tungl laugardaginn 5.apríl og fínasta veður  sól, sól, sól. - 1 á frostmælinum og heðríkja. Alltaf er ég í föðurlandinu innundir og á samt erfitt með að roðna í kinnum, tala nú ekki um að svitna. En ég þreytist auðvitað. Það er gaman að líta á www.vedur.is og sjá þetta með eigin augum með veðrið.

Þú verður náttúru að taka í kragann þinn sjálf einsog ég, Jenný mín og svo göngum við okkur til hita á nóinu.

Ég ætla á Laugardaginn, veit ekki annað.

[Ár & síð, 3.4.2008 kl. 15:31]

Hæ, Eva. Svona hópmyndir eru nú eiginlega frekar misheppnaðar þótt þú bjargir nú þessari. Líklega verður erfitt fyrir lesendur Velvakanda eftir hálfa öld að segja til um hverjir sitja þarna fyrir
Matti

[Eva Benjamínsdóttir, 3.4.2008 kl. 17:38]

Takk, satt segirðu Matti, þetta eru frekar svona rassamyndir af hópnum. Ég þekkti engan nema systur mína. Kannski var ljósmyndarinn of kurteis? Eða með svona fína kímnigáfu. Ertu með í göngu?

[Kristbergur O Pétursson, 4.4.2008 kl. 09:25]

Já, og mér sýnist þú líka hafa fundið þúfuna...hahahaha

kveðja :)) kristbergur

[Eva Benjamínsdóttir, 4.4.2008 kl. 17:40]

hahahahaha, kíldu á það og komdu í smá göngu Kristbergur það væri gaman að sjá þig.